BEIJING/CARACAS- Gobierno Chines lo duna Venezuela un credito special di 5 biyon dollar, cu lo ta destina na e desaroyo di proyectonan relaciona cu e produccion di petroleo.
“Nos a logra haya e autorisacion di inversion directo di parti di Banco di Desarollo di China cu e aumento di e produccion di PDVSA (Petroleos de Venezuela), pa mas di 250 miyon dollar. Ya caba nos ta trahando ariba financiamento specifico den cuadroo di un credito special pa 5 biyon dollar, pa proyectonan di inversion directo den e produccion”, segun e Minister di Economia y Finanzas, Simon Serpa a informa.
El a bisa cu den e proximo simannan lo concreta e firma di “3 of 4 financiamento nobo cu lko tin un impacto hopi positivo den e aumento di produccion di e faha petrolero di Orinoco y otro areanan di produccion di PDVSA”.
“Zerpa a haci referencia na e retonan actual cu e relacion China- Venezuela, considerando cu esun di mas grandi ta e fluidez di e relacion a pesar di e atake di e imperialismo di Merca contra di ambos pais. Esaki ta rekeri e creacionn di circuitonan alterno”, e bureau di Economia y Finanzas a bisa den un comunicado di prensa.
E minister ta actualmente na Beijing, unda cu diamars el a participa den e instalacion di e di VII Reunion di Secretaria Tecnico di e Comision Mixto di Alto Nivel Venezuela- China, cu tin como meta profundisa e relacionnan bilateral y evalua acuerdonan den materia productivo.
Den e reunion di nivel halto aki a toca como tema principal, e produccion di petroleo y asuntonan relaciona cu e ambito economico, financiero y energetico.
Na 2017, Venezuela y Republica Popular China a yega na acuerdonan bilateral den materia automotriz, agricola y industrial cu e proposito di impulsa e desaroyo productivo di 15 motor di e Agenda Economico Bolivariano (AEB).
Fuente: https://noticiaaldia.com/