China- Den bista di China e campo cu poder mas nobo den bataya ta sinta na un altura di 12 pa 60 miya riba superficio di nos planeta den un capa di aire fini di e atmosfera cu yama “casi espacio” (near space). Esaki ta situa riba e rutanan di vuelonan di mayoria di avionnan comercial y tambe militar y bou di e satelitenan, den e casi espacio un area unda cu vuelonan pa espacio ta pasa y tambe ta un dominio unda cu nan ta crusa e transito di armanan hypersonico y misilnan balastico.
China ta presta mucho atencion na e desaroyonan di otro paisnan den e region aki cu a wordo alaba pa expertonan militar Chines manera un frente nobo pa e militarisacion y un campo importante di competencia entre potencia militar di mundo.
Ademas di desaroyo di tecnologia avansa manera drone cu ta funciona cu energia solar y tambe vehiculo hypersonico, tambe China ta rebibando un tecnologia pa haci decada pa utilisa area aki di atmosfera, vehiculonan menos pisa cu biento inclui aeronave nan y tambe blaasnan di gran altura manera esun cu a pasa riba Merca cual a keda tira abou diasabra.