Internacional: E comision di salud na China a informa cu un mucha di 4 aña ta e prome persona cu a keda infecta cu e griep H3N8. E mucha ta biba den e ciudad Zhumadian di e provincia Henan y a cuminsa desaroya e sintoma 5 di april y su condicion a bira pio 10 di april, y a keda traslada pa un institucion medico. E griep aki H3N8 ta keda infecta bou di cabay, cacho y cachonan di lama pero nunca a keda detecta riba humano, unda e comision nacional di salud di China a informa cu e caso aki ta un transmision unico entre especie y e riesgo di transmision na un escala abou.
E mucha a keda infecta debi e tabata den contact cu galiñanan na cas, ningun integrante di e cas a keda detecta cu e griep.
E griep aviar aki ta un tipo di virus cu influenza tipo A cu casi nunca ta infecta humano, ta trata di parhanan.
E griep H3N8 ta circula desde 2002 y a keda deteca na e parhanan di awa na Merca.
Dies aña despues na 2012 esaki a bira e culpabel di morto di mas cu 160 cacho di lama na Inglatera debi na e sintoma di Pulmonia.