China a cuminsa uza testnan anal [anal swab tests] na esnan considera di ta na alto riesgo di contagio di Covid19. Autoridadnan a tuma e testnan aki di residentenan na barionan unda tabata confirma di tin casonan di Covid19 den Beijing siman pasa, y tambe esnan den areanan designa pa cuarentena tambe a haya e tipo di testnan aki.
E metodo aki por aumenta e ‘detection rate’ di esnan infecta, pasobra e virus ta keda mas largo den e parti anal mas cu e parti respiratorio segun Li Tongzeng, un doctor na Beijing Youan Hospital.
E pais tambe a aumenta medidanan y restriccionnan interno, na unda cu Beijing recientemente a anuncia cu esnan den areanan di riesgo halto of medium no ta permiti di ta den ciudad pa reduci e riesgo di transmision durante celebracion di e aña nobo lunar Chines.
Esnan cu yega e pais mester tambe por mustra testnan negativo, varios di esakinan, y mester bay den cuarentena por lo menos pa 14 dia den un hotel designa pa esaki, cu hopi ciudadnan y region imponiendo rekesitonan di observacion adicional na hogarnan.
FUENTE: THE GUARDIAN