CLEVELAND, Ohio – Cu un doblete decisivo di Ben Zobrist, den e di 10 inning, Chicago Cubs a vence diaranson 8×7 contra Cleveland Indians y a corona nan mes como reynan di Serie Mundial, 108 aña despues.
Den e sekia mas largo di triunfo di un ekipo na Merca, Cubs a drenta den e bukinan di historia cu letternan di oro ya cu nan no a sabora e triunfo aki desde 1908.
Cubs a logra un logro historico cu solamente cuater ekipo a logra cu formato di shete wega den un “Fall Classic.”
E conhunto di Chicago a uni na e Yankees di New York (na 1958), Detroit Tigers (1968), Pittsburgh Pirates (1979) y Reals di Kansas City (1985) como e unico ekiponan den reverti un 3-1 en contra.
E ekipo di e ciudad di biento tabata victima di e “maldicion di cabrito” pa hopi aña.
Prome cu cumina cu e preguntanan, mi ta kere ta apropiado pa felicita Chicago Cubs, na su mentor, Joe Maddon y henter e organisacion. Esaki tabata un bon serie y nos sa cu si un hende mester bay cas feliz, ta nan, nan merece hopi felicitacion, Terry Francona, tecnico di Indians, a indica.
Fuente: NTN24