Un ciudadano Hulandes por a aprecia y siña publico desastroso efecto cu e desastre di 1986 den e central nuclear di Chernobyl over di e zona zuidoost di Bielorrusia (Wit-Rusland) y e pueblonan cercano di Ucraina. E region cu awo ta mas bien un mondi, situa na e rand di e riu Pripiat, pa 32 aña caba ta compeletamente despobla y salvahe.
E acceso na e tereno cu Bob Thissen, di 33 aña, a bishita na october aña pasa ta un zona estrictamente prohibi pa autoridadnan. Varios persona durante aña ta wordo deteni pa a drenta e area cera sin autorisacion.
Segun el a conta riba su website Story Tender, dia 8 di november ultimo, e homber, pa a yega eynan, mester a acudi na un cientifico Bielorruso cu ta studia e impacto di radiacion den animalnan.
Thissen a splica den un comentario e pakico e experiencia di e biaha pa e banda Bielorruso di e zona di exclusion nuclear ta asina importante: “Ora cu bo bay Pripiat of Chernobyl, el a splica, bo sa cu bo lo topa cu e famoso molen of e piscina. Di e zona aki no tin mucho informacion, asina ta cu ta agradabel pa descubri pueblonan unda cu bo no sa cu kico bo ta bay hayabo cun’e.
Den e añanan prome cu e desaster, e pueblonan cu el a bishita tabata e hogar di mas di 1000 persona. E casnan a keda casi intacto te dia di awe y a wordo afecta solamente pa elementonan (di naturalesa).
Pa e biahero Hulandes, e experiencia tabata un biahe tambe den pasado, specificamente pa e epeoca den historia di URSS. Den su comentarionan e ta afirma di a biaha hunto cu algun exploradornan Bielorruso y cu nan tabata traduci e textonan na Ruso cu tabata poni tur caminda. “Nos a ripara cu tabata tin un cantidad grandi di propagando den e scolnan. E muchanan chikito tabata wordo prepara pa ta soldaat.
Desde april di 1986, ora cu e desastre a sosode, miles di kilometer cuadra na ambos bandi di forntera a keda completamente deshabita riba orden di autoridadnan Sovietico. E acceso na e zona di exclusion te ainda ta strictamente prohibi di e banda Bielorruso, mientras cu Kiev ta permiti excursionann te na e centro di contaminacion.