Corsou y Sint Maarten a confirma cu nan lo introduci e florin Caribense como su moneda conhunto den e di dos mita di 2024. Asina e informe anual di 2022 di Banco Central a indica, publica ayera.
Segun e website di noticia Curacao.nu, e decision aki ta sigui un evaluacion di Fondo Monetario Internacional (IMF) y Banco Central di Corsou y Sint Maarten (CBCS), cu a analisa e bentaha y e desbentahanan di un moneda propio versus dolarisacion den un documento di decision
Na juli di aña pasa (2023), a papia di un introduccion mas pronto posibel, den februari di 2025.
E introduccion di e florin Caribense ta un resultado directo di e reforma constitucional di Antia Hulandes na 2010. E moneda nobo lo reemplasa e florin Antiano, cu tabata mara na restriccion y lo por mina e confiansa den e sistema monetario.
CARACTERISTICA DI SIGURIDAD
E principal limitacion ta inclui elemento di siguridad obsoleto y dificultad den e produccion y control di calidad di biyete y moneda. Ta existi un necesidad urgente di moneda y, specialmente, di biyete mas moderno. E biyetenan di e florin actual tin casi 25 aña y e elementonan di siguridad uza ta relativamente facil pa falsifica awendia. Tambe sa tin confusion internacional riba e nificacion di ANG, ya cu e ta referi na un pais cu ya no ta existi.
E informe anual di CBCS ta splica cu e transicion p’e florin Caribense lo duna como resultado biyete y moneda mas innovador, moderno y sigur, loke lo bay fortalece e sistemanan di pago di e union monetario. Lo asigna n’e florin Caribense e codigo di moneda ISO XCG y e signo di e moneda lo cambia di NAf pa Cg.
Fuera di e detayenan tecnico, manera e tipo di cambio1:1 cu e florin di Antia Hulandes y e mantencion di e vinculo n’e dollar Mericano, e informe tambe ta destaca e aspectonan practico. Lo tin un periodo di cocirculacion di tres luna, pa cual e florin di Antia Hulandes, lo stop di ta e moneda di curso legal. E intercambio di moneda bieu p’esunnan nobo ta posibel te cu trinta aña despues di su introduccion.