For di Hulanda a ricibi e grato noticia cu e artista di moda di Ateliers ’89, Chelsea Peterson, lo gradua diabierna awo na Academia di Gerrit Rietveld, na Amsterdam, Hulanda cu un gran show di moda cu por wordo mira na www.gerritrietveldacademie.com for di 5’or y mey di atardi orario Hulandes. Check su Facebook Page bo mira y e link pa e fashionshow.
Ya ta sinco aña pasa Chelsea a cuminsa cu su travesia na Academia di Gerrit Rietveld na Amsterdam, Hulanda, na unda ta poco ta logra pa gradua y en grande ya cu esaki ta hopi dificil. For di un principio nos a tende y a sigui Chelsea durante e añanan na e academia, cu su trabounan excepcional cu e tabata crea. Ta pesey mes awe nos ta sumamente contento, orguyoso y den celebracion, cu el a bay asina bon y ta gradua en grande diabierna awo. For di un cuminsamento Chelsea a laga nos alumbra cu su shownan di moda na Ateliers ’89 na nos show di moda na October di aña 2011. E anochi ey el a tape un modelo y cu e tape crea un shimis riba curpa di e modelo. Esaki cu masquin tape. Tambe cabes y wowo di e modelo a wordo getape. Asina Chelsea a laga tur hende babuca e anochi ey cu su creacion y tabata e sorpresa grandi durante e show. Y asina cu di e momento ey caba tabata sa cu e lo transforma den e excelente diseñadora di nivel di moda y naturalmente e bunita persona cu e ta awe. Atelier’s 89 ta manda asina un pabien grandi na Chelsea y ta desea tur clase di exito y un futuro briyante.
Aki ta sigui algun palabra di Chelsea dedica na Elvis López
Dear Elvis,
Cu e carta aki mi kier cuminsa na gradici Elvis pa tur e trabou cu Elvis a hinca den mi y a semper kere den mi.
Mi ta hopi gradici pa e ayudo di Elvis.
5 aña pasa mi tabata tin un soño pa drenta den Gerrit Rietveld Academy y esaki mi por a logra cu e ayudo di Elvis.
Mi ta den mi graduation year y mi a sinti hopi nostalgia y aprecia pa Elvis cu mi mester comparti mi curason.
Hopi danki Elvis di fondo di mi curason y mas!
Door di Elvis mi soño ta birando un realidad y sin Elvis mi no sa unda tur nos artista local lo ta!
Dia 9 Juni 2017 mi graduation fashion show lo tuma luga y e lo ta live tur caminda 18:00 Holland time.
Di tur hende den mi bida ta Elvis mi kier ta presente na e fashion show pero misa nos ta poco leu for di otro.
Pero e lo ta livestream mundialmente door di Rietveld su website, mi lo share e link riba e dia ey riba mi facebook pa Elvis por tuma parti y wak e fashion show.