Instituto Biba Saludabel y Activo, IBiSA ta informa na comunidad di Aruba, specialmente districto di Oranjestad, Paradera y vecindario cu team di Bus di Salud ta presente riba diahuebs 22 di juni 2017 na Professor Lorentzstraat (skina Colombiastraat) y riba diabierna dia 30 di juni na MFA Paradera pa duna servicio di chekeo y conseho di salud for di 8:30 a.m. te cu 3:00 p.m.
E servicio ta encera control di peso (BMI), presion di sanger, sucu den sanger y cholesterol. Ademas ta duna conseho con pa hiba un estilo di bida mas saludabel. Tur control ta completamente gratis y no mester ta na yuna.
IBiSA ta pidi tur esnan cu acudi pa trece un ID valido y/of bo carnet di AZV.