Chef Lij Heron recientemente a asumi liderasgo di e ekipo culinario na Sunset Grille, situa na Hilton Aruba Caribbean Resort & Casino. E chef decora a bin Aruba for di e Waldorf Astoria Hotel na Ras Al Khaimah, situa na e United Aruba Emirates, unda e tabata responsabel pa e cuminda delicioso sirbi na e legendario Peacock Alley, Camelia Lounge y Lexington Grill.
Originalmente di Jamaica y un ingeniero electrico segun profesion, Chef Lij a dicidi tempran den su bida pa haci loke e ta gusta y el a registra pa un apprenticeship na Hilton na Kingston Jamaica. Despues di a descubri su pasion den culinaria, el a dicidi pa haci esaki su carera profesional y el a viaha pa New York pa ricibi su diploma culinario na e famoso CIA, esta e Culinary Institute of America.
Como un chef profesional, Lij a biaha rond mundo, desaroyando su talentonan, combinando exploracionnan culinario y cuminda, na Merca, e Medio Oriente y Oriente, dominando cuminda Mericano, Europeo, Asiatico, Mediteraneo y Caribense. El a bira sumamente talentoso den cushina menunan di Steakhouse y Cuminda di Lama di alta clase, cu bishitantenan internacional, real, prins y sheiknan entre esnan comiendo su cuminda.
Despues di a traha pa e cadena di Hilton anteriormente, e no tabata sorprendi ora cu e yamada a drenta solicitando su experticio na Aruba. Ta mi crab cakes cu a convence nan, el a bisa na harimento, e cosnan di mas simpel ta e cosnan di mas dificil pa prepara y mi entrevista di trabou na Aruba a inclui un cook off, unda mi crab cakes y sea bass tres manera a bira hitnan instantaneo.
E chef ta raporta cu el a wordo yama bon bini na Aruba pa un brigada culinario profesional y amabel, y cu su intencion ta pa mantene e integridad di e menu di Sunset Grille, un steakhouse moderno, cu un toke di Italia, pa hib’e pa e siguiente nivel, y introduci hopi mehoracionnan na e menu cu ta wordo sirbi henter dia na Gilligan’s Beach Bar & Grill.
Sirbiendo Steaks, Cuminda di Lama y Pasta, Sunset Grille ta ofrece platonan clasico di prome plato, salada, steak y chops, pisca y cuminda di lama, pasa y un cantidad di otro plato signatura iresistibel.
Mas popular riba e lista di prome plato ta e Lobster Bisque sirbi bou di un capa di pastry color di oro, saborea cu Pernod. E Colossal Shrimp Cocktail ta fiel na su nomber y e Cured Ahi Tuna ta aparece riba e plato combina cu un salada di Fennel y Citrus. E BLT Wedge ta wordo sirbi cu apple wood smoked bacon cu un chunky Gorgonzola dressing y e Sunset Seafood Salad ta yega na bo mesa yena cu Jumbo Lump Crab, ademas di Colossal Shrimp, Avocado, Egg y Bacon, cual bo por come como un plato principal.
E Sunset Grille ta sirbi 100% Certified Angus Beef, cushina riba un grill di carbon cu Filet Mignon, New York Strip, Rib Eye, Double Cut Lamb Chops y e legendario 32oz Porterhouse pa dos hende. Bishitantenan por combina y mescla e specerijnan y sausnan, y crea nan mesun Surf and Turf cu cualkier carni of cuminda di lama for di menu.
Amantenan di pasta lo disfruta di e Short Rib Gnocchi cu wild mushrooms, e Penne Primavera, of e Linguini with Shrimp, y por contribui na nan pasion pa cuminda di lama cu un Lobster Fra Diavolo cushina cu Calabrese Peppers.
Sunset Grille su platonan signatura ta inclui un plato unico di Brick Pressed Whole Chicken, sin weso, sirbi cu sautéed spinach, y e Pork Chop Milanese sabroso.
Sunset Grille ta sirbi pasabocanan delicioso traha fresco, cu Triple Chocolate-, Lava- y NY Cheese Cake entre nan, sirbi den porcionnan grandi, djis pidi un pa parti.
The Sunset Grille ta un destinacion popular di come shete dia di siman, for di 6-11pm. E ekipo culinario ta den e proceso di desaroya un concepto di brunch a-la-carte cu lo ofrece bishitantenan un experiencia culinario nobo y excitante, combina cu bistanan increible for di e terras nobo di Sunset Grille Restaurant.