CARACAS, Venezuela – Cu pushamento, grito y consignanan di Chavista y opositornan, a culmina diaranson e misa cu ta habri un di e mayor tradicionnan di Semana Santa na Caracas, e procesion di e Nazareno di San Pablo.
‘Libertad, Libertad, Libertad”, un multitud a grita den e Basilica di Santa Teresa, den centro di Caracas, ora cu e arzobispo di Caracas, cardinal Jorge Urosa, kende a oficia e ceremonia, caminda cu a congrega centenares di persona, a culmina e acto. Secondenan despues, a cuminsa un enfrentamento dentro di e tempel, caminda cu a obliga polis ingresa pa calma e situacion. Varios filigres aheno a core yena cu spanto. E dirigente opositor Antonio Ecarri, presente na e misa, a denuncia cu “e cardinal a wordo golpia” ora el a sali for di e misa. E arzobispo a bandona e luga escolta pa agentenan policial.
E incidente a tuma luga den momentonan di tension halto pa manifestacionnan cu e oposicion a cuminsa den e pais, dia 1 di April ultimo y cu a deriva den disturbionan fuerte, cu un saldo oficial di por lo menos dos morto, decenas di herido y mas di un centenar di aresto.
E diputado Alfonso Marquina a señala diaranson cu un tercer persona a fayece diamars anochi: un adolescente di 14 aña, herida pa un tiro den su barica durante un protesta den e ciudad di Barquisimento (estado Lara, west). Marquina a responsabilisa e “colectivonan” gruponan civil cu ta apoya Chavismo y cu e oposicion ta cualifica como “bandanan arma.”
Den un conferencia di prensa mas tempran, Urosa a yama pa “no politisa” e actonan religioso di Semana Santa, despues cu e dirigentenan opositor a yama pa acudi na e procesion cu e bandera Venezolano. “Nos no mester politisa den absoluto e procesion di e Nazaerno,” e religioso a bisa.
Urosa a cera e misa cu un oracion “pa e Venezolanonan, como ruman, por resolve nos conflictonan di manera pacifico y democractico.” El Nazareno de San Pablo ta un imagen traha di palo cu ta data di siglo XVII y cu cada diaranson santo ta wordo hiba den un procesion den centro di e capital pa e Basilica di Santa Teresa.
Fuente: AFP