E chavismo a recupera e Asamblea Nacional di Venezuela na un eleccion marca pa e boycott di e partido principal y lider di oposicion y un abstencion masivo. Cu e participacion di 31% (mas di 40 punto di porcentahe abou di e eleccion parlamentario na 2015 gana pa oposicion).
E coalicion oficialista a logra mas di 3.5 miyon do e 5.2 miyon di voto pa logra un total di 67.6% di e sosten, segun dato di e Conseho Nacional Electoral di e pais. For di 2015, E asamblea tabata e unico poder controla pa e oposicion.
Nan a dicidi di no participa mescos cu e presidencia na 2018 pa motibo cu ta considera cu no tin condicion husto pa e contienda electoral. E lider opositor, Juan Guaido, lo stop di ta presidente di Asamblea Nacional dia 5 di january. E ta papia di ‘fraude’ y ta sigur cu abstencion tabata menos cu locual a keda anuncia pa e CNE.