CARACAS, Venezuela- Fiscal General di Venezuela, Tarek Saab, a informa diaranson di e peticion di detencion di 11 funcionario di e estatal Petroleos de Venezuela (PDVSA) pa comete “iregularidadnan grave” cu ta afecta e pais cu e perdida di “14 miyon dollar”.
“E funcionarionan aki tabata meti den dos caso cu a costa e pais un perdida di 14 miyon dollar cu ta presumi constitui, di mes, accionnan di sabotahe totalmente premedita y intencional”, Saab a bisa den un conferencia di prensa.
El a indica cu e prome caso diabierna dia 14 di juni ora cu e “responsabelnan di e Coordinacion di Operación” di e Faha Petrolero di Orinoco planifica di “forma inadecua di operación di descarga y distribución di petroleo” afectando dos compania mixto di PDVSA, cu ta stop di produci “175 biyon bari di crudo”.
“Den e caso particular cu mi ta mencionando cu esaki a produci e perdida di mas di 11 biyon dollar pa crudo no produci”, el a indica y a agrega cu pa e hecho e ta wordo solicita “Eurípides Rasquide, gerente di e coordinacion operacional di e Faha” y “Oscar Gonzales, coordinador operacional di e faha division di mehora”.
Di mes manera, el a detaya cu e otro caso a keda registra entre 16 y 17 di juni ora cu ta comete “erornan grave den e proceso di carga di dos barco carga cu petroleo” ya cu un di nan tabata tin 162 mil bari” y a presenta contaminacion. Pa e hecho aki, tabata tin un rebaho den e prijs di crudo.
Den e sentido, e fiscalia a solicita e detencion di otro nuebe persona: Alexander Gonzales, superintendente di turno; Juan Algarín, operador di mesa; Leonard Jesús Bucarito, operador; Carlos Indriago, operador; Jose Ugas, operador; Jesús Partida, hefe di turno; Leonardo Menendez, operador di control.
Tambe tin peticion di detencion pa Joel Paredes, representante di carga y Jose Barcelo, tecnico mayor di control.
Nan tur ta wordo acusa di daño na industria petrolero, corupcion y asociacion pa comete un delito”.
Fiscal, cu a sigura cu e ta trahando entre otro cuater cu ta wordo revela pronto, el a bisa cu “11 detencion nobo, ya ta 90 e funcionarionan di PDVSA” deteni pa corupcion.
Fuente: INFOBAE