Diadomingo den careda di 10 or mainta riba Sasakiweg banda di super food chauffeur den un suzuki vitara a perde control tras di stuur y baha caminda y dal den un mata di kwihi. Un taki di e mata a kibra e windshield drenta paden y por poco a staca e homber. E homber a scapa di su bida di a keda staca pa e mata aki. Debi na e impacto di e accidente e chauffeur a keda herida y a keda atendi pa personal di ambulans. Polis tambe tabata presente pa tuma dato.