MELBOURNE, Australia- Un auto a dal contra di un multitud den e ciudad Australiano, Melbourne. Medionan local a agrega cu tin te cu 14 herido. Polisnan a confirma aresto di e chauffeur y tambe un di dos persona cu por ta relaciona cu e incidente aki.
E chauffeur di 32 aña, a wordo aresta pa un polis na civil, poco despues di e incidente. Segun forsanan di orden publico, e chauffeur ta un ciudadano Australiano, di origen Afgano. Pa loke ta trata e di dos homber, di 24 aña cu tambe a wordo aresta, polis ta descarta cu e lo por ta involucra den e atake. E chauffeur ta un persona cu ta sufri di adiccion y ta un conoci di polis.
Polis no ta trata e incidente como un acto di terorismo, pero si cu e chauffeur cu a actua deliberadamente. Vocero di polis di Victoria, Russel Barrett, el a declara cu “e motibonan di e acto no ta conoci y e investigacion ta siguiendo su curso, e ta su prome etapanan”.
E chauffeur tabata for di tino na momento cu polisnan a yega cerca dje, pa cual rapidamente polisnan a yude bin bek.
Un di e heridonan ta un mucha chikito, cu heridanan serio na su cabes.
Fuente: https://nos.nl