Diadomingo den careda di 11’or anochi na e rotonde Driemasterstraat y Lucianitastraat chauffeur di un ford edge a subi e rotonde nobo kibra un borchi trafico bula e rotonde otro banda sigui core bay ariba. Pa despues na e t-weg di Santa Helenastraat y Weststraat dal riba un yaris basta duro pega e auto riba e cura di Xavier University.
E ford a sali bay y bandona e sitio lagando un señora herida den e yaris y a keda atendi pa personal di ambulance. Polis tambe a presenta pa tuma datos. Plachi number di e ford a keda atras rato despues polis ta topa cu e auto den Emmanstraat banda di lucky store y a tuma e auto den beslag.