Un chauffeur manehando un Nissan Teana dialuna anochi ta perde control di e auto na e bira skerpi na Bushiri pa Madiki Kavel pa motibo di velocidad y bay dal den un mata grandi cu tin bandi caminda. E impacto cu e auto a bay dal den e troncon di e mata a conduci cu e chauffeur a dal su cabes basta duro na e stuurwiel y a habri su frenta bastante. Polisnan, ambulance y brandweer a drenta accion basta lihe. Parameico di biaha a cuminsa atende cu e victima cu herida serio na su cara. Brandweer tambe a duna un man pa loke ta trata e auto cu tabata cuminsa huma. Asina paramedico a logra saca e victima y transprote pa hospital pa atencion medico avanasa.