Diadomingo anochi den careda di 9 or di anochi, ta drenta un melding cu lo tin un accident cu a tuma luga den Caya Ernesto Petronia.
Mesora ta manda un patruya cu urgencia pa e sitio. Na nan yegada nan ta constata cu un auto a dal un peaton, kende a tabata benta ariba caminda. Polisnan mesora a pidi pa presencia di ambulance. Investigacion preliminario a mustra cu e chauffeur di e auto KIA, number A- 40338 bayendo direccion rotonde di Ponton, no a ripara e persona crusando caya na e momento ey, pa cual e ta dal e peaton cu su auto.
E cabayero ta dal den e windshield di e KIA, pa despues lora bay cay net dilanti di un Chevrolet shinishi, cu tabata biniendo for di direccion contrario.
Polisnan despues di un investigacion preeliminario a bay over na detene e chauffeur di e auto berde Kia A- 40338