Diadomingo anochi n’e crusada di prof Lorentzstraat y Weststraat a keda registra un accidente di auto basta fuerte unda chauffeur di un hyundai suv a yega subi e crusada y a dal basta duro den un mitsubishi lancer.
E suv a bay dal den cura di un cas y e lancer a keda memei caminda di e crusada. Polisnan di biaha a presenta y a constata cu tabatin tres persona levemente herida. Ambulance a presenta di biaha y a brinda asistencia medico, ningun persona no tabata desea di a bay hospital pa atencion medico.
Na final takelwagen a lanta e autonan kibra y a transportanan pa nan destino. E caminda a keda habri bek.