Un accidente frontal y cu basta daño material a keda registra diadomingo marduga riba e caminda principal di Savaneta net poco pabou di S Chow. Di biaha a mobilisa tres unidad di ambulance y varios unidad policial pa cera e caminda debi cu tin basta daño y autonan riba caminda y tabatin tres persona herida. Den e accent tabatin dos persona y e nissan march e chauffeur hoben.
Polis a saca for di un testigo cu e hyundai accent bayendo abou normal y e nissan march biniendo for di pabou basta duro a bay den banda robes y asina dal frontal cu e hyundai accent.
Na e sitio polisnan a pone e chauffeur di e march supla y esaki a surpasa e limite di alcohol y a keda deteni pa despues transporta pa warda di Polis. Paramediconan a brinda asistencia na tanto e chauffeur y pasahero di e accent y ambos keda transporta pa hospital.
Na final takelwagen a kita e autonan for di riba caminda.