Diadomingo pasa di 7 or mainta riba e caminda entre Tamarijn pa Sero Pita chauffeur di un suzuki ignis biniendo for di pabou a perde control dal contra un troncon di mata y bolter. E impacto tabata fuerte unda e auto a keda riba su dak y e chauffeur a resulta herida.
Un automobilista cu a pasa mira e auto riba su dak riba caminda a core baha pa wak si tur hende ta bon. A topa cu un homber cu tabata e chauffeur y a atende cune. Patruya di Santa Cruz a presenta di biaha y ambulance tambe a yega algun rato despues pa atende cu e victima.