Diasabra prome cu 3’or di atardi varios persona a presencia un caso serio dilanti e kapel na Tanki Leendert con un auto shinishi a dirigi riba un motociclista cu menos bon intencion y dal contra e motociclista y pone e homber dal abou y keda herida.
E auto a sigui su caminda bay direccion pariba, e brommer tabata bahando for di pariba. Polis di trafico a presenta n’e sitio pero a constata cu no ta un accidente pero mas bien intento di asesinato contra di e motociclista. Segun un amigo ta e chik di e guy cu ta un dama stranhero sin permiso na Aruba ta esun cu lo a manda auto riba e homber pone dal abou.
Ambulance a presenta di biaha unda paramedico a brinda asistencia na e hoben cu herida na curpa y dede fractura. Recherche y departamento tecnico tambe a presenta di biaha ne sitio pa haci nan investigacion y tuma dato pa start un investigacion di biaha pa pone e chauffeur responsabel.