Un chauffeur cu ya caba den tempo di Toque De Queda a causa hopi problema, un biaha mas ta den noticia. Awe den oranan di merdia el a causa cu accident cu tres vehiculo envolví, di cual 2 ta vehiculo di Cuerpo Policial.
E hecho aki a sosode un poco prome cu 2’or di merdia. E chauffeur aki un biaha mas ta riba caminda, aparentemente despues di a sali di Respaldo, y a causa mesora un desaster riba caminda. No ta conoci con por ta posibel cu el a haya su auto bek te pa e causa un desaster riba e caminda di Camacura unda cu tres vehiculo a haya sla. Pero mas serio ta cu tres persona, entre otro polis, a resulta herida.
Tur e patruyanan tabata en busca di e homber aki despues di a ricibi yamada d varios automobilista cu e chauffeur menciona a hera pone nan accidenta.
E vehiculonan cu a sufri daño tabata Hyunday Accent.