Diaranson anochi rib’e caminda di Macuarima pabou di dam di Cas Ariba a sosode un accidente unda un homber di edad den un pickup chevrolet a bay pa lora na su man robes net momento cu un hoben riba un brommer tabata biniendo fo’i pabou. E brommer a pega bou di e pickup y e hoben a ricibi slanan serio na curpa y su cabes.
Polisnan di biaha a presenta n’e sitio y e caminda a keda cera di biaha debi cu ambos vehiculo tabata riba caminda. E hoben tabatin sla serio na su cabes y tabata bay bin y consecuencia polis a pidi ambulance cu maximo urgencia. Ambulance a presenta y di biaha paramediconan a brinda asistencia n’e mucha homber herida.
Polis di trafico a haci nan investigacion n’e sitio. Ambulance a transporta e hoben herida pa hospital.