Diabierna, pa mas of menos 6’or y 46 di atardi, durante patruya na e crusada di Caya Juancho Kock y Rondweg, a mira un brommer preto coriendo riba e ultimo direccion pabao. Alabes a mira cu dicho brommer tabata tin e number bieu. Pa controla esaki, e conductor a haya un señal pa para. Pero esaki a ignora e orden aki y a sigui core. El a bira na man drechi drenta Dadelstraat y aki e conductor a haci manera cu el a bay para, pero el a primi trot y sigui core. Na e crusada di Dadelstraat y Patiastraat, el a bira na man drechi. Via e public adress, polis a duna orden pa stop. Na e crusada di Patiastraat y Mispelstraat, e conductor a bira na man drechi, pero a perde control riba su stuur y a bay dal contra acera. Akinan e conductor a wordo deteni. A pidi’e pa su rijbewijs y e documentonan di brommer, cual e no a cumpli. A dune un process verbaal y e brommer a wordo hiba warda di Santa Cruz. Central a wordo poni na altura.