Casonan di abusonan sexual di mucha ta un tema hopi delicado, y mas aun den un comunidad asina chikito manera Aruba. Siman pasa atrobe a bin un caso dilanti, caminda a detene un chauffeur di Autobus, acusa di a tene relacion sexual cu’n menor (12 aña). Ta trata aki di Sr. Wilson Richards.
Sr. Richards a cuminsa na nenga tur acusacion den su contra, den caso di abuso sexual di un menor. Diaranson autoridadnan a laga Sr. Richards den libertad, pa falta di prueba. El a bisa cu tur esunnan cu a papia malo di dje, e kier limpia su nomber bek. El a admiti di conoce e meneer (tata di e menor) cu a fayece y tambe cu e conoce e menor en cuestion.
KICO TIN DI BERDAD
Sr. Richards ta nenga cu el a yega di manda video etc. ariba rednan social, y tampoco cu tabata tin interaccion sexual. E ta bisa cu el a papia un biaha so cu e menor, cu a add Richards ariba Facebook. Segun Richards, el a acepta e menor ariba Facebook, door cu e sa ken e ta, y tambe door cu e menor tabata bay traha cu e tata, cu tambe tabata core autobus. E ta sigui bisa cu el a acepta solamente como amistad.
Mas aleu, Richard a bisa cu e mucha a bisa un amiga di dje, cu e ta papiando cu’n chauffeur di autobus (Richard) y esaki na su turno ta bay conta e mama di e menor cu a bay entrega denuncia di biaha na warda di polis. Pero e ta keda para ariba cu e tabata solamente papiando cu e menor, pero no tin nada, pero nada di relacion, nada di mishi, nada.
TATA DI E MENOR
Al parecer, e tata a comete suicidio, door cu e mama di e menor a menasa di no laga e mucha bay mas na e tata. E tata tabata un homber di paz y el a yega di purba kita su mesun bida na mas di un ocasion, y esaki tabata di 4 biaha. Ta hopi storia tin di e tata, unda cu el a yega di corta su mes ora cu el a yega di gara su señora cu’n otro persona.
TELEFOON
Richard a keda den libertad, pero autoridadnan ainda tin su telefon, pero e mes a delete e mensahenan cu e tabata tin di e mucha, prome cu autoridadnan a bay over na su detencion. E ta pensa cu e mucha lo tabata tin un obsesion cun’e, pa e haci algo asina. El a bisa cu nunca mas e lo papia cu’n menor di edad.
LIBERTAD
Autoridadnan no bis’e si e ta liber por completo di e caso aki, ya cu nan no por a haya nada ni den e telefon di e mucha y tampoco di Richard. Por ultimo, su mensahe pa tur esunnan cu ta conoce hende ariba facebook, cu esaki tin su peliger cun’e, y e mes como tata, e ta conseha pa ora cu’n menor di edad bin papia cu bo, prome cos ta miho puntra pa edad. Awendia, muchanan ta nace cu curpa grandi mientras cu nan ta menor di edad. Y loke a pasa cu su persona por pasa cu otro tambe.
Esaki no tabata prome biaha, y dado momento, Aruba y mundo tin su generacion di hobennan cu ta durf mas awendia. Y pa Richard, e ta pidi tur hende ta alerta ora ta conoce un hende ariba Facebook pa ta mas pendiente.
BEK NA TRABAO
Comunidad lo mester compronde cu no a haya nada oficial den e caso aki y tampoco nada no a pasa, no tabata tin niun relacion cu e mucha, y tur cos tabata ariba rednan social. Unico biaha cu e la wak e mucha personalmente tabata ora cu e menor tabata bin traha cu su tata.