ROTTERDAM, Hulanda – Autoridadnan di Hulanda a detene den e anochi di diaranson e conductor di un fan carga cu bomnan di gas cerca di un sala di concierto despues di un alerta ricibi pa polis di Spaña.
Aunke mas despues a descarta cu e tabata tin relacion cu e atentadonan na Cataluña, e alcalde di Rotterdam, Ahmed Aboutaleb, a informa cu e ciudad a cancela tur evento publico tras, segun el a bisa, di a ricibi un alerta di e cuerpo di siguridad di Spaña.
“E vehiculo a yama atencion pasobra e tabata dal buelta recoriendo e mesun zona,” Aboutaleb a bisa. E van tabata tin un plachi di number Spaño y e tabata di huur.
E aresto a tuma luga cerca di e sala di concierto unda cu un grupo di rock Mericano lo a bay actua, precisamente unda cu segun Aboutaleb, a bisa cu e atake lo a bay pa tuma luga.
Riba e posibel relacion di e incidente cu e atentadonan di Cataluña, e alcalde a yama sin embargo na “no saca conclusionnan prematuro.”
Fuente: http://www.bbc.com