Un chauffeur cu a ignora un ordo di polis, a pasa anochi (marduga) den cel di Warda di Polis. E incidente aki a tuma luga den oranan di marduga.
E patruya a mira e auto ta move straño riba caminda y a duna chauffeur señal pa para na momento cu e tabata den Driemasterstraat. Sinembargo e chauffeur a scoge pa sigui core, manera nada. E patruya a pidi refuerso, cual a yega rapido door cu e tabata cerca.
E dos vehiculonan a logra changa e chauffeur pa e para casi den bisindario di ex oficina di dr. John Croes den Driemasterstraat mes. Pero na momento cu el a baha for di e vehiculo a constata e motibo cu e no kier a sigui señal di polis. E tabata bou influencia di alcohol.
El a resisti su detencion, pero asina mes a logra pone den boei y hib’e warda di polis.