E chauffeur cu a comete e 2 hit & run nan di diadomingo 29 di Juli 2018 no ta desconoci pa polis. Riba 1 di Januari 2018 atardi varios patruya di polis a ser manda pa e bocht di Sero Patrishi. Tabata unda un auto lo a drenta mondi y e chauffeur lo kier a purba saca e auto for di mondi y bandona e sitio pero no a logra y lo ta batiendo e mama formalmente.
Personanan cu tawata pasando ey banda a core lucha cu e homber kite pe no sigui agredi e mama y a wante abou te ora polis a yega. E homber tawata hopi bou di influencia di droga y alcohol y no kier a razona cu niun hende y tawata lucha pisa cu tur hende na e sitio.
Despues cu el a hasta lucha cu polisnan a logra pone den boei y hibe warda. Awe por bisa e manera con testigonan ta bisa cu e tawata core hopi iresponsabel ta pasa auto pa loco poniendo bida di hende den peliger y pa despues e velocidad halto cu e la bay dal tras di e Hyundai Acccent y laga e chauffeur herida. Mirando e slanan y con e autonan a keda tur destrui tanto na Paradera y Marawiel ta indica cu e persona aki ta un peliger pa trafico. No sa si ta problema mental hunto cu problema di adiccion sea di droga of alcohol pero autoridadnan mester actua awor prome cu ta laat.