Diamars anochi na e crusada di Kamerlingh Onnestraat y Edisonstraat a sosode un accidente entre un hyundai getz cu a subi e crusada sin a duna preferencia dal den un hyundai van. Esaki a pone cu e chauffeur di e van a perde control dal den cura di cas basha esaki abou. E chauffeur di e getz a bandona e sitio. Ambulance a presenta y paramedico a atende cu un señora. Mientras polis ta atendiendo cu e accidente un hyundai getz a presenta pa busca su plachi number cu a keda atras, polis a atende cune di biaha y a constata e ta bebi y a keda deteni hiba warda. Personal di ambulance a hiba e victima pa hospital pa atencion medico.