Relaciona cu e accidente pisa cu a tuma luga diaranson 11 di october 2023, den oranan di marduga riba LG Smith Blvd unda un kia picanto a yega lora dilanti un brommer y consecuencia ambos persona riba e brommer a resulta grave herida y un di nan a bin perde su bida cu ta e dama di 21 aña Luisa. E homber cu tabata core e brommer cu ta un hoben di 24 aña tambe ta grave y ta buscando su salud den exterior.
E chauffeur di e picanto na e sitio di e accidente a keda deteni ora a pone supla pa alcohol, y a recobra su bida debi cu ainda no a bira oficial cu e dama a fayece, maske cu segun informacion e tabata clinicamente morto pero mester a warda e mama bin den exterior. Awor cu e dama a fayece cu ta bira culpa di e chauffeur pa un persona a perde su bida a haci su detencion pa di dos biaha unda awor aki e tin para responsabel pa su acto sinta e dianan na warda y posiblemente bay te KIA te dia e caso bin dilanti.
Ministerio Publico a informa den su comunicado:
Polis a detene un homber awe relaciona cu un investigacion penal di un accidente di trafico pisa riba diaranzon anochi 11 di oktober ultimo riba L.G. Smith boulevard na Oranjestad. Den e accidente aki, entre un auto y un motorcycle, un motoclista di 24 aña di edad y su pasahero di 21 aña di edad a resulta criticamente herida. E dama pasahero a fayece ayera a consecuencia di su lesionnan. E motoclista cu ta un homber ta den condicion grave.