Diabierna merdia varios automobilista for di e caminda di Pos Abou, pa Hato te cu Tanki Flip a hayanan mes ta baha caminda pa un truck di Apex di cement coriendo zig zag riba caminda. Un persona a sigui e truck aki y tabata informa autoridad di e caso. Di biaha polisnan motorisa a keda dirigi p’e sitio.
For di e misa di Tanki Leendert polis motorisa cu zwaailicht y sirena tras di e truck dunando e chauffeur señal pa para pero nada. Te banda di e pompstation e polis a logra di pasa e truck y asina indica e chauffeur pa baha caminda.
A pone e chauffeur supla pero e no tabatin ni e forsa pa supla ni pa para riba su pia, y a keda deteni hiba warda di Polis. Te hasta e parti patras di e truck unda cement ta basha a keda habri y poco cement tabata cay riba caminda segun testigonan.