Un ciudadano a raporta na Polis diasabra marduga un jeep cora coriendo basta malo mes for di Santa Cruz bay Piedra Plat despues rotonde Piedra Plat a bolbe bay ariba. Patruya di Santa Cruz a cuminsa dirigi su mes pa e area y riba e caminda di Piedra Plat a topa cu e auto, e polisnan mes a tuma nota con e chauffeur ta core auto zig zag baha caminda, asina mes cu nan tabata tin zwaailicht y sirena su tras e no tabata kier a para, a subi acera casi dal vangrail di Piedra Plat y despues di algun rato e chauffeur a para pa polis. E oficialnan a baha bay atende cu e homber y e tabata basta bebi y ni por a cana, el a keda deteni hiba warda.