Diadomingo marduga securitynan di La Cabana a tende un zonido fuerte y a bay tira bista. Ne parti patras pafo di La Cabana riba J.E. Irausquin Blvd. nan a haya un auto Chevrolet Aveo orañe cu lo a dal den un mata di coco. Mesora nan a avisa polis. E chauffeur tabata te hasta purba pa start e auto y core bai pero mucho no por a hasi. No tawata tin herido. Na yegada di e patruya un dama cu tawata den e auto a cuminsa cana bay direccion pariba. Polis nan a sigui su tras pa controla si tur cos ta ok y a bin resulta cu e dama no ta legal pa ta riba nos isla. Mesora polis nan a detene y hibe warda pa despues hibe warda nos costa. E chauffeur tawata basta bou di influencia y no por a ni para drechi riba su pianan y polis a detene pa core auto bowudi influencia. Daño material ta considerabel. Polis y roadservice di seguro a tuma dato.