Durante un control, polis tabata coriendo direccion p’ariba riba e caminda Kibaima/Tanki Flip, na altura di Bright Bakery, caminda cu nan a topa cu un auto biniendo na banda contrario di e caminda. Polis a haci un U-turn y a bira bek y a cuminsa core tras di e auto. Por a mira cu e auto tabata coriendo zig zag riba e banda robes di e caminda bayendo direccion pabao. Patruya a duna seña na e vehiculo pa para na altura di Fresh Market. Una bes cu el a para, e tabata para mita riba acera, mita riba e caminda na man drechi na e momento ey. E prome contacto cu a tene cu e chauffeur, polis a haya di biaha e impresion cu e chauffeur tabata fuertemente bao di influencia di alcohol. Esaki por a mira door cu e chauffeur no tabata cana bon, tabata papia cu lenga pisa y tabata wak manera na soño. A base di esaki, el a keda deteni. E sospechoso a wordo mustra riba su derechonan y a wordo hiba cu transportwagen pa warda di polis na Santa Cruz, caminda cu el a keda presenta dilanti di fiscal auxiliar, caminda cu na su turno a wordo encarcela pa e por saca su wayaba y pa mas interogacion den kibra di mainta. E auto a wordo hiba na warda di Santa Cruz como retencion pa e rijbewijs cu e conductor a declara di a laga na cas. Fuera di esey, a haci un analisis di su rocea y a supla 890 ug/l como resultado.