Dialuna atardi riba e caminda di Ponton a sosode un accidente unda cuatro auto ta envolvi, chauffeur di un hyundai van no a regula su velocidad y distancia a da basta duro tras di citroen preto y despues e citroen preto a dal basta duro tras di un toyota yaris y e yaris a dal tras di un pickup isuzu
Debi n’e impacto tabatin dos persona a keda levemente herida, polis di trafico di biaha a keda dirigi p’e sitio y na yegada e oficial a constata tin dos persona levemente herida unda a solicita ambulance y aki dos unidad a presenta pa paramedico brinda asistencia na e esnan cu tabata keha di dolornan na curpa.
Alcohol tabata sali fo’i e aliento di e chauffeur di e hyundai van y polis a pone supla y aki el a surpasa e limite bastante y a keda deteni n’e sitio mes.
Roadservice a tuma dato y na final a pidi takelwagen pa e autonan kibra. Caminda a keda cera pa un rato.