Despues di 3.30 di atardi Polisnan a haya varios yamada di un chauffeur burachi drumi den su auto den Rooi Frances. Sinembargo patruya no a mira nada na su yegada, ni e pick-up cora en cuestion ni ningun persona.
Sinembargo automobilistanan preocupa tabata bati alarma pa loco pasobra e chauffeur a sigui core, pasa den Sabana Basora y na e rotonde di Pos Chiquito, el a coy direccion di brug grandi. Esaki el a logra pas’e sin causa accidente.
Tabata riba e caminda Kibaima pa Tanki Flip a mir’e y a dun’e ordo pa e para. E chauffeur sinembargo tabata asina bou influencia cu el a dicidi di reverse e pick-up y a dal den auto di polis.
Su trip di diabierna a finalisa basta malo, pasobra a detene y transport’e pa Warda di Polis pa Santa Cruz.