Diasabra marduga, polis a bay cu urgencia na Santa Cruz, n’e birada panort di Huchada, pa un accidente semi-frontal basta fuerte, cu a laga hende herida.
Ta trata aki di un chauffeur di un Chevrolet cu tabata bao influencia di alcohol, manehando riba velocidad halto a hunga un rol den e accidente aki, caminda cu e chauffeur a bay den banda contrario y a dal basta duro contra e Honda.
Tabatin un adulto mayor tabata envolvi den e accidente aki. Di biaha polis a presenta n’e sitio pa informa nan mes di e accidente.
Ambulance tambe tabata na e sitio p’asina duna trato medico n’e herido.
Pa loke ta e dos autonan, ambos tabata total loss.
E chauffeur di e Chevrolet riba dje, no por a demostra documentacion di e auto. Fuera di esey e manera con e bentana tabata cera, tabata mustra dudoso. E chauffeur mester uza tools pa por cera bentana di e auto.
Tin di agrega cu hasta wiel di e Chevrolet a kibra cual tabata notabel riba caminda.
E chauffeur di e Chevrolet a wordo deteni pa core auto bao influencia di alcohol y cu a causa e accidente en cuestion.
A hib’e warda unda cu e mester a presenta dilanti fiscal auxiliar, p’e duna cuenta di su actonan.
