Diasabra anochi dilanti Great Rich na Paradera a sosode un accidente unda un Hyundai Accent oro a dal tras di un Hyundai Santa Fe blanco. Forensys a presenta y tuma dato pero ta ripara cu e chauffeur di e Accent lo ta posiblemente bou di influencia di alcohol.
A pidi presencia di polis cu a presenta na e sitio. Patruya di St.Cruz a pone e chauffeur supla y e chofer a supla casi 3 biaha mas hopi di e limite. Polis a detene e chauffeur pa core bou di influencia y a hib’e warda. No tawata tin herido. Daño material ta minimo. Polis a tuma dato.