Diamars pasa di 1’or marduga habitante di Tanki Leendert a scucha un lastro di brake pa despues scucha un desordo basta duro. A sali pafo constata cu un auto a subi e rotonde di Tanki Leendert. Un hyundai accent blanco, e chauffeur masculino a core sali for di e auto y ranca un careda bay direccion pariba pa despues bay Papaya.
Patruya di Playa di biaha a presenta na e sitio y cuminsa busca e sospechoso. Riba caminda di Papaya pa Nuñe a topa cu e homber y a constata cu e ta bou influencia di alcohol. A detene e homber pa bay cune warda pa un control. E auto a haya basta daño material parti dilanti y wiel.