Dialuna marduga riba e caminda di Shiribana altura di e bar a sosode un accidente entre dos auto. Tanto patruya policial y roadservice a acudi na e sitio. A constata cu e chauffeur den e toyota corolla biniendo di pabou a yega lora dilanti e kia rio biniendo for di pariba y impacta riba esaki. Ambos auto a keda kibra, ambulance a presenta pero ningun persona a resulta herida. Polis a pone ambos chauffeur supla pero e chauffeur di e corolla so cu a ocasiona e accidente a surpasa e limite e otro chauffeur a supla 0. A detene esun culpabel y a bay cune warda di Polis.