Diadomingo mainta trempan riba L.G Smith Blvd net pariba di marisol building unda antes tabata cas di gobernador a keda registra un accidente basta serio entre auto y un persona riba harley davidson. Polis ta yega di biaha na e sitio y a constata cu un yaris cora a lora dilanti e motociclista bahando for di pariba. E chauffeur di e yaris tabata bou influencia di alcohol y a keda deteni. Ambulans a pesenta di biaha na e sitio pa atende cu e homber cu tabata riba e harley cu a haya slanan serio na su pia y curpa. E victima a keda transporta cu urgencia pa hospital pa atencion medico avansa.