Diahuebs marduga central di polis ta haya un melding cu lo tin un accidente cu hende pega den auto na Tanki Flip. Di biaha ta despacha patruya di polis y brandweer na e sitio. Na yegada di e patruya nan ta topa cu un Mazda cora RX-7 cu lo mester a perde control y bay raspa un par di cadushi y bai pega den un stam di mata.
Na yegada ya e chauffeur tawata para pafo di auto caba y no tawata tin mester di brandweer. Polis a constata cu e auto tawata biniendo di e rotonde di Tanki Flip y lo a bay zwaai cu e auto perde control y bay dal den e mata. Mirando e impacto y con e auto a keda polis a pidi un ambulans tog pa controla e chauffeur. Polis a pone e chauffeur supla y e la supla riba 800 ugl. Polis a detene e chauffeur pa core auto bou di influencia di alcohol. Pa colmo e auto ta fia di un amigo. Daño material ta grandi.