Diasabra marduga dilanti polis riba Camacuri a sosode un accidente unda un toyota vitz a dal den un chevrolet cavalier. E vitz a sigui bay ariba y polis cu sirena su tras tabata sigui tras di e auto y e chauffeur nada di para.
Riba e caminda principal net otro banda di Wayaca falls e auto a logra di para y aki polis a bay over di biaha na baha e chauffeur di auto y detene. A constata cu e homber ta bebi tras di stuur. E otro partido tambe a presenta y aki polis a tuma dato di e accidente. E chauffeur a keda transporta pa warda di Polis.