Diasabra marduga autoridad ta haya un yamada cu tin un auto cu a bolter na altura di Chengs’ Supermarket NV cu ta keda na Bubali. Di biaha ta manda varios patruya paso parce e auto a cuminsa huma y no sa si e persona den e auto ta herida cu lo por a sali di e auto.
Na yegada di e patruya ta bin topa cu un Nissan Cube benta di banda y e personan den auto a sali di e auto y no ta herida. Polis a cuminsa cu investigacion na e sitio parce cu e auto aki tawata riba e caminda di Bubali bayendo direccion Superfood y algo a pasa cu nan a baha caminda y dal den un mata cu a pone e auto bolter. Ningun di e personanan den e auto no a keda herida pero hopi daño material riba e auto.