Na e rotonde paper clip Seroe Patrishi diasabra pasa di 11:15 anochi a sosode un accidente unda dos auto a dal den otro basta duro. Chauffeur di un nissan march biniendo for di Tanki Leendert riba un velocidad a yega subi e rotonde dal den un hyundai i10 cu tabata riba e rotonde y ambos auto a bay para algun meter leu. Debi na e impacto un señora den e hyundai i10 a dal su pecho basta duro contra e stuur y ambulance a presenta pa atende cun’e y a keda transporta pa hospital. Polis di trafico tabata na e sitio y a constata cu e chauffeur di e march ta hole alcohol y ora a bay test e a surpasa e limite completo y a keda deteni pa conduci auto bebi.