Diadomingo anochi net riba e rotonde LG Smith Blvd pa subi Sasakiweg pabou di sun plaza a sosode un accidente cu impacto fuerte, unda chauffeur di un yaris biniendo fo’i nort a baha caminda ranca un borchi trafico, ranca un pal’i luz pa despues dal riba un bus di arubus.
E chauffeur di e bus a duna di conoce cu e ta drentando J.E Irausquin Blvd cu hendenan abordo a djis sinti un golpi pa despues mira cu ta un auto a impacta den su banda drechi. Polisnan a presenta di biaha y a cera e caminda. A constata cu e chauffeur di e yaris ta bou influencia di alcohol y el a keda deteni y hiba pa warda di Polis.
Ambulance a presenta pa controla un persona n’e sitio. Daño tabata basta e personalnan encarga cu e Blvd a presenta pa kita e poste cu tabata memei caminda.