Chauffeur bebi cu auto kibra a drumi riba caminda den Guyabastraat

Diadomingo marduga den Guyabastraat banda di ex wimco na Dakota chauffeur di un byd a yega para su auto kibra meimei caminda y a pega soño. Ta dos persona cu a pasa ey banda a topa cu e situacion y a raporta esaki na autoridad. Patruya di Oranjestad ta yega na e sitio y ta topa cu e homber drumi den su auto meimei caminda pero e wiel banda drechi y parti dilanti di e auto ta destrui. No ta conoci unda el a accidenta cu e auto. E homber tabata basta bou influencia y a keda deteni debi cu no por lage sigui core.

Comments

comments