Diasabra anochi laat riba e caminda di Pos Abou habitantenan a scucha un desordo basta fuerte pa despues coriente a bay. Tabata riba e caminda poco pariba di e rotonde un chauffeur di un mercedes benz a perde control dal contra un palo di luz cu wayanan di voltahe halto.
E palo di luz a kibra den dos y a keda wanta riba e palo di luz cu tabata pega den tera pero parti abou tambe tabata kibra. Debi na e impacto e chauffeur masculino a keda levemente herida. Polis di trafico tambe a presenta y a pasa e test oficial di alcohol y a detene e homber pa core auto burachi. Personal di elmar a presenta cu nan truck pa trabounan grandi keda haci riba e red di coriente cu a keda afecta.