Diasabra marduga riba e caminda di Hato chauffeur di un ford figo a perde control y ranca un pal’i uz cu tin banda pazuid di caminda. E auto a cay den e rooi y tabatin kabelnan di coriente ta colga riba e auto. Polisnan a presenta di biaha y a cera e caminda di tanto n’e rotonde Hato y parti pabou. E chauffeur tabata sinta den e auto y despues di rato a sali ora polis a bay atende cune.
Polis a pone e homber supla na e sitio y a surpasa e limite y a keda deteni na core auto bou influencia di alcohol. Elmar a presenta di biaha pa e trabounan cuminsa debi cu e area a keda sin coriente y e luznan di caminda. Takelwagen na final a bay cu e auto for di e sitio.